ஈரோடு:
சத்தியமங்கலம் அருகே உடல் நலம் சரியில்லாததால் மூதாட்டி விஷம் குடித்து தற்கொலை செய்து கொண்ட சம்பவம் குறித்து போலீசார் வழக்குப்பதிவு செய்து விசாரணை நடத்தி வருகிறார்கள்.
சத்தியமங்கலம் அடுத்த சிக்கரசம்பாளையம் பகுதியை சேர்ந்தவர் ஆறுமுகம். இவரது மனைவி கருணையம்மாள் (65). கடந்த ஒரு வருடமாக கருணையம்மாள் உடல் நலம் பாதிக்கப்பட்டு சிகிச்சை பெற்று வந்தார். அவ்வபோது வாழ்வதைவிட செத்துவிடலாம் என்று கூறி வந்துள்ளார். அவரை உறவினர்கள் சமாதானப்படுத்தி வந்தனர்.
இந்நிலையில் சம்பவத்தன்று இரவு கருணையம்மாள் மகன் கடைக்கு சென்ற வீட்டுக்கு வந்தார். அப்போது கருணையம்மாள் வாந்தி எடுத்துள்ளார். இதுகுறித்து அவரது மகன் விசாரித்தபோது தான் பூச்சிக்கொல்லி மருந்து (விஷம்) குடித்து விட்டதாக கூறினார்.
இதைகேட்டு அதிர்ச்சி அடைந்த அவரது மகன் உடனடியாக இது குறித்து ஆம்புலன்சுக்கு தகவல் தெரிவித்தார். 108 ஆம்புலன்ஸ் மூலம் கருணையம்மாளை மீட்டு சத்தியமங்கலம் அரசு ஆஸ்பத்திரிக்கு சிகிச்சை க்காக அனுமதித்தனர்.
பின்னர் அவர் மேல் சிகிச்சைக்காக கோவையில் உள்ள அரசு மருத்துவமனையில் அனுமதிக்கப்பட்டார். எனினும் அங்கு சிகிச்சை பலனின்றி பரிதாபமாக கருணையம்மாள் இறந்தார். இதுகுறித்து சத்தியமங்கலம் போலீசார் வழக்கு பதிவு செய்து விசாரித்து வருகின்றனர்.
